Craft Wars Projects

السلام عليكم

"Craft Wars " اخيرا قررت اكتب عن برنامج المسابقات الخاص بالاشغال الفنيه 

دا برنامج فريد جدا من نوعه ويعتبر من افضل البرامج بالنسبالي طبعا لحد دلوقتي 

طيب اولا نشرح ايه هو البرنامج

هو عباره عن برنامج مسابقات اسبوعي,كل  اسبوع بيكون في 3 متسابقين جداد مطلوب منهم تنفيذ عملين فنيين

العمل الفني الاول بيكون مدته ساعه واحده وبعد ما بيخلصوه بيقوم الحكام باختيار اتنين من التلات متسابقين هما اللي هيكملوا للمسابق التانيه واللي هي عباره عن عمل فني مدته 5 ساعات ,وفي النهايه بيحدد الحكام مين الافضل واللي هيكسب جايزه البرنامج اللي هي $10000     

عبقرية البرنامج بالنسبالي هي نوعية المهام المطلوبه من المتسابقين ,يعني في كل حلقه بيطلبوا منهم تنفيذ عمل فني من حاجات صعب 

تخيلها زي مثلا انك تستخدمي نظارات في عمل "اباجوره" "وده اللي عملوه المتسابقين 

الفكره اللي اتنفذت هنا هي فكرة الموزاييك,فك العدسات نفسها من النظارات ورشها ب 

color spray 

بس لضيق الوقت مكملش كمية كافيه عشان تبين فكرة الموزاييك

الصراحه دي اكتر فكرة عجبتني جدا بس للاسف صاحبتها هي اللي خرجت :(
هنا استخدمت العدسات كانها قطع زجاج 

وكان هدفها انها تستخدم كميه كبيييره جدا منها بحيث تعمل بيها سلاسل كبيره هي اللي تكون شكل الباجوره بس برضه الوقت كان صعب فملحقتش تكملها وبالتالي خرجت لان المنتج مكنش خلصان

هنا استخدمت العدسات برضه بس بشكل مبتكر جدا 

اخدت اربع عدسات ولونتهم بلون واحد ولزقتهم علي شكل ورده باستخدام مسدس الشمع وبعدين عملت قلب الورده بزرار وعلقتها من الاباجوره بالخيط.

دا مثال بس للي بيتعمل في البرنامج :)

انا كل حلقه اول ما بيقولو عن المسابقه المطلوبه وبيقولو ايه الادوات اللي هتستخدم بقول في نفسي"ودا ايه اللي ممكن يتعمل بيها؟؟؟؟

يعني لو كنت انا متهيألي كنت هرمي كل الادوات دي فالزباله علي طول :))

ان شاء الله هعمل بوسه عن كل حلقه والحاجات اللي اتعملت فيها وتعليق الحكام عنها 

انتظرونا :)